గుర్రాల ముత్యాల హారాలు. బాలమిత్ర గుర్రాల లక్ష్మారెడ్డి . కల్వకుర్తి .నాగర్ కర్నూలు జిల్లా. తెలంగాణ రాష్ట్రం .

గుర్రాల ముత్యాల హారాలు ‌తే,20-8-21. ముత్యాల హారాలు.

701) సంసారం సాగరం

అది దేవుడిచ్చిన వరం

తెలుసుకో మాతరం

పడాలి మీరు వేగిరం !

702) చీడ పురుగుల తొలగించు

వారి ఘోరిని కట్టించు

సంఘం కై జీవించు

అందరిని ప్రేమించు !

703)పిచ్చోని మాటలు నమ్మకు

కల్లాపి నీవు చిమ్మకు

కట్టు ముడుపు కొమ్మకు

అదే ఆ సమ్మక్కకు !

704) ఏమి ఆ వాలు చూపులు

తట్టుకోలేని తూపులు

కట్టారు వారు గ్రూపులు

మీరు అయ్యారు డ్రాపులు

705) ఇది గుడ్లు పెట్టని బాతు

గైకొని నేనేమి చేతు

ఇస్తాను మొదటి కంతు

మిగతవి ఈరాము వంతు !

706) మండపంలోన పెళ్లి

మనమందరం వెళ్లి

పడుతున్నాంలే తుళ్ళి

తిరిగొచ్చాం గల్లి గల్లి !

707) ఇరుగు పురుగు అను దిష్టి

తొలగిపోవాలి కిష్టి

ఆడ నడుస్తుంది గోష్టి

చేద్దాంలే పరిపుష్టి !

708) వచ్చాడు పరమహంస

చేయడు జీవహింస

పాటిస్తాడు అహింస

ఎందుకులే మీ మాంస !

709) వాడేరా భీమబలుడు

వీడేమో సింహబలుడు

గోపాలుడు భూపాలుడు

వారైతే ఇతనెవడు ?

710) అలవాటులో పొరపాటు

అంతా మా గ్రహపాటు

తప్పదులే ఇక చేటు

ఇక నీవు గడప దాటు !

711) తినురా ఈ రేగి పండు

చాలా తియ్యగా ఉండు

వ్రాయిరా ఈ బాండు

రాయకుంటే బాగుండు !

712) తేనె తీయగ ఉంటుంది

చీమ చిటుక్కుమంటుంది

అది నాకేసి ఉంటుంది

నాకి గుటుక్కుమంటుంది !

713) తెనాలి రామలింగడు

అతనుహాస్య చతురుడు

అందరిని నవ్విస్తాడు

కొందరిని కవ్విస్తాడు !

714 భూమికి ఎంత సహనం

ఆమెకి ఏది వాహనం?

తెలుసుకో నువు ఈ దినం

అది అపూర్వ జ్ఞానం !

715) కొండపైన కోనెంగ

బండమీద మా మంగ

తండవాళ్ళ గంగ

వాళ్ల పక్కన బుంగ !

716) చిక్కు విప్పు ఓ సక్కు

చదువుతున్నావా బుక్కు

త్వరగా తిండి మెక్కు

ఉందిలే నీకు లక్కు !

717) బలపం పట్టావా చిట్టి

పీరుకు కట్టు ఓ దట్టి

తీసుకురా ఆలొట్టి

సాకపోయి నువు ముట్టి !

718) మంత్రాన్ని స్మరించు

సూత్రాన్ని ధరించు

మార్గాన్ని చూయించు

అందరిని ఆదరించు !

719) తెలుసుకో శాస్త్రాన్ని

తీసుకురా అస్త్రాన్ని

ధరించు నీవు వస్త్రాన్ని

స్మరించు గోత్రాన్ని !

720) అదిగో కామదేనువు

ఊదరా నీవు వేణువు

విని తలాడిస్తుంది గోవు

. నీకుండదు ఇక సావు !

721) తడిసిపోయింది గుడ్డ

చూసుకోరా ఇక బిడ్డ

తినురా ఈ కందగడ్డ

ఆరేయి అడ్డగుడ్డ !

722) తకిట తకిట తాళం

కలుపు రా నీవు గళం

తిరుగుతుంది భూగోళం

అంతా గందరగోళం !

723) జ్వర పీడితుడు వాడు

పీనుగలా అయ్యాడు

సొమ్మసిల్లి పోయాడు

అయ్యో పాపం చూడు !

724) పాలు విరిగి పోయాయి

అవి నేలపాలు అయ్యాయి

ఇక తాగుటకు లేవోయి

కాస్త పోయి తేవోయి !

725) మణి ధగధగ మెరుస్తుంది

జనని అతిగా అరుస్తుంది

పాప గళ్ళు పూరిస్తుంది

సరస్వతిని స్మరిస్తుంది !

726) చెట్టు పైన ఉంది పిట్ట

వేసిందిలే అది రెట్ట

వచ్చి నిన్ను తేలుకుట్ట

చస్తే మేం బొంద పెట్ట !

727) దబ్బడం పట్టుకరా

చెప్పులు కుట్టాలిరా

చూరు పైన పెట్టాలిరా

తూర్పార పట్టాలిరా !

728) విద్య వినయం నొసంగు

నేర్చుకున్నావా సింగు

తీసుకోవద్దు భంగు

మారిపోతుంది రంగు !

729) జనవరి ప్రథమ నెల

ఆపరా నీ గోల

జీతం తేరా నెలనెల

మనం కట్టాలి కోవెల!

730)@దేవుడు మంచి వాడు

కోరినవన్నీ ఇస్తాడు

మన భారం మోస్తాడు

బ్రతుకుతెరువు ఇస్తాడు !

731) పెద్దమ్మ మాట నమ్ము

చేసేసావా జిమ్ము

తీసుకురారా గమ్ము

దులపరా ఇక దుమ్ము !

732) కోటు బొత్తాలు ఊడినవి

అవి నేలపైన పడినవి

ఏరి తీసుకరా అవి

నేకుట్టి పెడతా రవి !

733) సంతోషం సగం బలం

పూరించు ఈ కాలం

చేయకు మాయాజాలం

ఇది ఏ ఇంద్రజాలం?

734) అది ధర్మవరం చీర

వెళ్లి పట్టుకరార

చెప్పు నీ నోరార

వింటారుగ వారుర!

735) పట్టుకోరా ఈ విల్లు

తాగకురా ఆకల్లు

ఊడ్చేయ్ ఆ పొల్లు

పట్టుకరా ఉప్పుగల్లు !

736) తెచ్చావా తాంబాలం

ఆడ పెట్టు గోపాలం

వేసుకో తాంబూలం

మనం బడా బాబులం !

737) గూట్లో ఉంది రూపాయి

నీ మొగడేమో సిపాయి

మరి ఎవరు ఈ పాపాయి

నీవైనా తెలపవోయి !

738) కురిపించురా ముద్దులు

చెప్పకురా సుద్దులు

దాటకురా హద్దులు

దాటితే ఇక గుద్దులు !

739) చుక్కలు ఎన్నో లెక్కించు

శిలా విగ్రహం చెక్కించు

మ్యూజియం లో పెట్టించు

దుస్తులనూ కుట్టించు !

740) ఫలహారం పంచి పెట్టు

మిగిలింది మూట కట్టు

చేయకు నీవు బెట్టు

పోయిరా నీవు గట్టు !

741)ఎవరితో గొడవ పడకు

నీ వారి చేయి వీడకు

చెరుకో వారి నీడకు

ఉండాలి కడవరకు !

742) కాఫీ కప్పా వద్దు

టీ కప్పైతేనే ముద్దు

చేసెయ్ ప్రతి పొద్దు

రాద్ధాంతం ఇక వద్దు !

743) టేబుల్ పై గడియారం

మోగుతుంది అలారం

కలిగింది కలవరం

అదిరింది మూపురం !

744) చేసావ సర్పయాగం

నీకుందా ఆ యోగం

చేయి నీవు ప్రయోగం

పోయిరా ప్రయాగం !

745) చుక్కల చీర కట్టుకుంది

పూలనూ పెట్టుకుంది

వెంట తాను వస్తనంది

ఇష్ట పడుతూ ఉంది !

746) వచ్చాడు బాల గోవిందు

వాడు అందరికి పసందు

తిరిగాడు సందు సందు

లాగించేశాడు మందు !

747) ముందు బుద్ధి తెచ్చుకో

మందు కొట్టుట మానుకో

చెడుతనం తెంచుకో

మంచితనం పంచుకో!

748) ఊపిరాడక ఉంది

గాలి ఆడక ఇబ్బంది

లేనేలేరా సిబ్బంది

తీసుకురా ఫ్యానంది !

749) గువ్వ గుడ్డు పెట్టింది

అవ్వ రవిక కుట్టింది

మడత తాను పెట్టింది

పెట్టెలోన పెట్టింది !

750) మేఘం రంగు నలుపు

అని అందరికి తెలుపు

వారి తో దోస్తీ కలుపు

మా పరువు నీవు నిలుపు ! గుర్రాల లక్ష్మారెడ్డి, కల్వకుర్తి.

సెల్ నెంబర్ 9491387977.

నాగర్ కర్నూల్ జిల్లా.